Ümumi

Qəbul saatları
Bazar ertəsi, çərşənbə, cümə     9.00 - 12.00

Telefon vasitəsilə

Bazar ertəsi, çərşənbə, cümə       15.00 - 17.00
Çərşənbə axşamı, cümə axşamı    9.00 - 12.00

Telefon: +49 (0)30 206 480 63
Faks: +49 (0)30 219 161 52
E-mail: berlin_consul@mfa.gov.az

Poçt ünvanı:

Botschaft der Republik Aserbaidschan
- Konsularabteilung -
Hubertusallee 43
14193 Berlin

Bank hesabı:

Botschaft der Republik Aserbaidschan

COMMERZBANK, Konto No: 26 61 53 601, BLZ: 100 40 000

IBAN:DE73100400000266153601

 

Almaniya Federativ Respublikasında daimi yaşayan və şəxsiyyət vəsiqələri olmayan vətəndaşların nəzərinə!

AFR-də daimi yaşayan və şəxsiyyət vəsiqələri olmayan, etibarlıq müddəti yaxın bir ildə bitəcək ümumvətəndaş pasportları sahiblərinə yeni ümumvətəndaş pasportlarının rəsmiləşdirilməsi üçün Azərbaycan Respublikasının AFR-dəki Səfirliyinin konsulluq bölməsində qəbul keçiriləcəkdir.

Qəbul 07 mart – 13 mart 2017-ci il tarixlərində hər gün (şənbə və bazar günləri daxil olmaqla) saat 10.00-dan 18.00-dək Berlin şəhəri 14193, Hubertusallee 43 ünvanında keçiriləcəkdir.

Qəbul Azərbaycan Respublikası Daxili İşlər Nazirliyinin Berlinə müvəqqəti ezam edilmiş əməkdaşı tərəfindən yalnız yuxarıda qeyd edilmiş vaxt ərzində keçiriləcəkdir.

Ərizəçilər tərəfindən 2 ədəd 3x4 ölçüdə fotoşəkil, AFR-də yaşamaq hüququnu təsdiq edən sənəd və digər əldə olan bütün sənədlərin əsli və surətlərinin özləri ilə gətirmələri tövsiyə olunur.

Məlumat üçün aşağıdakı qaynar xətt və ya e-mail ünvanına müraciət oluna bilər:

Tel:   +49(0)152 10734352

Email:   berlin_consul@mfa.gov.az

 

Qeyd: Nəzərə alınmalıdır ki, qəbul yalnız yeni ümumvətəndaş pasportlarının rəsmiləşdirilməsi üçün keçiriləcəkdir. Azərbaycan Respublikası vətəndaşlarına verilən şəxsiyyət vəsiqələrinin rəsmiləşdirilməsi nəzərdə tutulmayıbdır.   

 

Elan: Silahlı Qüvvələr günü və Ramazan bayramı ilə bağlı olaraq Azərbaycan Respublikasının Almaniya Federativ Respublikasındakı Səfirliyinin Konsulluq bölməsi iyun ayının 26-28-si işləməyəcəkdir.

 

Hörmətli soydaşlar,

Almaniya Federativ Respublikasının Şimal-Qərb əyalətlərində yaşayan Azərbaycan Respublikası vətəndaşlarının və soydaşlarımızın konsulluq-hüquq sahəsində qarşılaşdıqları problemlərin həlli məqsədilə 29 iyun 2017-ci il tarixində saat 15:00-dən 19:00-dək Köln şəhərində Azərbaycan Respublikasının AFR-dəki səfirliyinin konsulluq məsələləri üzrə məsul əməkdaşlarının qəbulu keçiriləcəkdir.

 

Qəbulda iştirak etmək istəyən şəxslər yuxarıda qeyd edilən vaxtda Köln şəhəri, Kunsthaus, Grosse Budengasse 17-25, 50667 ünvanına gələ bilərlər.

 

 

Azərbaycan Respublikasının

Almaniyadakı Səfirliyi

tel: +49 30 21916151

berlin_consul@mfa.gov.az

Elan

 2017 Formula 1 Azərbaycan Qran Pri yarışının təşkili və keçirilməsi ilə bağlı Azərbaycan Respublikasına gələcək əcnəbilər və vətəndaşlığı olmayan şəxslər üçün viza prosedurlarının sadələşdirilməsi haqqında

 Azərbaycan Respublikasında keçiriləcək 2017 Formula 1 Azərbaycan Qran Pri yarışı ilə əlaqədar Azərbaycan Respublikasına gələn və aşağıda göstərilən sənədlərdən hər hansı birini təqdim edən əcnəbilər və vətəndaşlığı olmayan şəxslər 2017-ci il mayın 15-dən iyulun 15-dək Azərbaycan Respublikası Xarici İşlər Nazirliyinin Konsulluq İdarəsinin Azərbaycan Respublikasının beynəlxalq hava limanlarında yerləşən struktur bölmələrində viza ala bilərlər.

Aşağıda göstərilən sənədlərdən biri viza verilməsi üçün əsas hesab ediləcəkdir:

 

  1. Formula 1 yarışlarının beynəlxalq təşkilatçıları olan “Formula One Management Limited” şirkətinin və Beynəlxalq Avtomobil Federasiyasının müvafiq qaydalarına uyğun olaraq akkreditasiyadan keçməni təsdiq edən kart və ya digər sənəd;
  2.  Bakı Şəhər Halqası Əməliyyat Şirkətində akkreditasiyadan keçməni təsdiq edən kart.

 

Elan

 

Voleybol üzrə qadınlar arasında 2017-ci il Avropa çempionatının final mərhələsinin təşkili və keçirilməsi ilə bağlı Azərbaycan Respublikasına gələcək əcnəbilər və vətəndaşlığı olmayan şəxslər üçün viza prosedurunun sadələşdirilməsi haqqında

Azərbaycan Respublikası Prezidentinin 2017-ci ilin 5 aprel tarixli Sərəncamına əsasən Bakı şəhərində və Göygöl rayonunda keçiriləcək voleybol üzrə qadınlar arasında 2017-ci il Avropa çempionatının final mərhələsi (bundan sonra - çempionat) ilə əlaqədar Azərbaycan Respublikasına gələn əcnəbilər və vətəndaşlığı olmayan şəxslər Azərbaycan Respublikası Xarici Işlər Nazirliyinin Konsulluq idarəsinin Azərbaycan Respublikasının beynəlxalq hava limanlarında yerləşən struktur bölmələrində viza ala bilərlər.

Viza alınması üçün əcnəbilər və vətəndaşlığı olmayan şəxslər aşağıdakı sənədlərdən birini təqdim etməlidir:

  1. Avropa Voleybol Konfederasiyasının müvafiq qaydalarına uyğun olaraq daimi akkreditasiyadan keçməni təsdiq edən sənəd;
  2. çempionat oyunlarına bilet və ya biletin əldə olunmasını təsdiq edən sənəd.

Çempionatla ilə əlaqədar Azərbaycan Respublikasına gələn əcnəbilər və vətəndaşlığı olmayan şəxslər viza almaq üçün aşağıdakı müddətlərdə müraciət edə bilərlər:

  1. təşkilati məsələlərlə əlaqədar gələn və Avropa Voleybol Konfederasiyasının müvafiq qaydalarına uyğun olaraq daimi akkreditasiyadan keçmiş şəxslər - 2017-ci il avqustun 15-dən oktyabrın 15-dək;
  2. çempionatda iştirak edən komandaların üzvləri və nümayəndə heyətləri - 2017-ci il sentyabrın 1-dən oktyabrın 10-dək;
  3. Avropa Voleybol Konfederasiyasının müvafıq qaydalarına uyğun olaraq daimi akkreditasiyadan keçmiş jurnalistlər, habelə çempionat oyunlarına bilet əldə etmiş şəxslər - 2017-ci il sentyabrın 10-dan oktyabrın 5-dək.

Eyni zamanda, Çempionatla əlaqədar Azərbaycan Respublikasına gələn əcnəbilər və vətəndaşlığı olmayan şəxslər Azərbaycan Respublikası Prezidentinin 2016-cı il 1 iyun tarixli 923 nömrəli Fərmanının 4.2-ci bəndinə əsasən təsdiq edilmiş ölkələrin siyahısı üzrə “ASAN Viza” sistemi vasitəsilə elektron viza ala bilərlər. Əcnəbilər və vətəndaşlığı olmayan şəxslər www.evisa.aov.az internet səhifəsinə daxil olduqda, ətraflı məlumatı alaraq, elektron viza üçün müraciət edə bilərlər.