İkitərəfli əməkdaşlığın digər sahələri

Mədəniyyət sahəsində əməkdaşlığa dair. Azərbaycan və alman xalqları arasında əlaqələrin tarixiliyi və Azərbaycanda alman irsinin mövcud olması iki ölkə arasında humanitar sahədə münasibətlərin dinamik inkişafı üçün əlverişli zəmin yaradır. 2008-ci ildə Almaniyada “Azərbaycan İli”, 2009-cu ildə isə Azərbaycanda Almaniya mədəniyyət həftələri keçirilmişdir. Almaniyanın 12 şəhərində 100-dək müxtəlif məzmunlu tədbirlərin keçirildiyi “Azərbaycanın ili” ölkəmizin Avropada ilk və hələlik yeganə mədəniyyət ili olmuşdur.

2010-cu ildə Berlinin məşhur Humboldt Universitetində “Azərbaycan tarixi” kafedrası açılmışdır. Kafedranın açılışı ilə əlaqədar 2010-cu il 29 noyabr-2 dekabr tarixlərində keçirilmiş “Azərbaycan elm və mədəniyyət həftəsi” tədbirində AFR-in o zamankı Federal Təhsil Naziri Anetta Şavan iştirak etmişdir. Hazırda “Azərbaycan tarixi” kafedrasının müdiri professor Eva Maria Auxdur.

Azərbaycan “Azərbaycan gənclərinin xaricdə təhsili üzrə Dövlət Proqramı”nın icrası istiqamətində Almaniyanın aparıcı ali təhsil ocaqları və Alman Akademik Mübadilə Xidməti (DAAD) ilə sıx əməkdaşlıq edir.

2011-ci il 29 sentyabrda AR-in Birinci Xanımı, Heydər Əliyev Fondunun prezidenti Mehriban Əliyeva və AFR-in Birinci Xanımı Bettina Vulfun iştirakı ilə Berlin Tarix Muzeyində Azərbaycan Respublikasının müstəqilliyinin 20-ci ildönümü münasibətilə mədəniyyət axşamı keçirilmişdir.

Heydər Əliyev Fondunun təşkilatçılığı və Azərbaycan Respublikasının AFR-dəki Səfirliyinin dəstəyi ilə 2013-cü ildə Münhen, Ştuttqart, Köln, Hamburq, 2014-cü ildə Hannover, Düsseldorf, Drezden, 2015-ci ildə Frankfurt am Mayn şəhərlərində Azərbaycan mədəniyyət axşamları keçirilmişdir. 2014-cü il 13 oktyabr tarixində Heydər Əliyev Fondunun təşkilatçılığı və Azərbaycan Respublikasının AFR-dəki Səfirliyinin dəstəyi ilə Berlin “Bode” Muzeyində ilk Avropa Oyunlarının təqdimatı keçirilmişdir. Tədbirdə AR Gənclər və İdman Naziri Azad Rəhimov iştirak etmişdir.

2007-ci ildən Berlində şəhərində Bakıda fəaliyyət göstərən “Qız Qalası” qalereyasının tərəfdaşı olan “Berlin-Bakı” qalereyası açılmışdır. Fəaliyyət göstərdiyi illər ərzində, mütəmadi olaraq, Azərbaycan, Almaniya və digər ölkələrin incəsənət xadimlərindən ibarət rəsm, foto və heykətlaraşlıq sərgiləri keçirilmişdir.

Diaspora məsələlərinə dair. Hal-hazırda təxminən 8500 nəfər Azərbaycan Respublikası vətəndaşı Azərbaycan Respublikasının AFR-dəki Səfirliyində konsulluq qeydiyyatındadır. Amma Almaniyada yaşayan Azərbaycan vətəndaşlarının ümumi sayı təsdiqlənməmiş məlumatlara görə 15000 nəfər civarındadır.

Almaniya Azərbaycan diasporunun xüsusi fəal olduğu və yaxşı təşkilatlandığı ölkələrdəndir. Almaniyada yaşayan azərbaycanlıların və onların diaspor təşkilatlarını əlaqələndirmək, onları biri-birilərinin fəaliyyəti haqqında operativ məlumatlandırmaq və ümummilli məsələlərdə səfərbər etmək məqsədilə 2008-ci ildə “Almaniyada yaşayan azərbaycanlıların Koordinasiya Mərkəzi” (KAD) yaradılmışdır. Berlində yerləşən KAD yaydığı aylıq xəbər bülletenləri vasitəsilə Almaniyada diasporu öz fəaliyyəti və digər diaspor təşkilatlarının fəaliyyəti haqda məlumatlandırır, milli bayram və matəm günlərində anım mərasimləri keçirir, diaspor təşkilatlarına informasiya və təşkilatı dəstək göstərir, Azərbaycan barədə mühazirə axşamları təşkil edir.

Almaniyada Azərbaycanı müxtəlif sahələrdə uğurla təmsil edən digər qurumlara Azərbaycan Respublikasının AFR-dəki Fəxri Konsulluğunu, Avropa Azərbaycan Cəmiyyətinin (TEAS) Almaniya nümayəndəliyi, Azərbaycan Tələbə Şəbəkəsi (ASN), Bakı-Berlin Qalereyası qeyri-hökumət təşkilatlarını, eləcə də Almaniyada Azərbaycan Evi, Azərbaycan-Alman Həmrəylik Cəmiyyəti, Alman-Azərbaycan Mədəniyyət Cəmiyyəti və digər fəal diaspor təşkilatlarını misal göstərmək olar.

Azərbaycan-Almaniya münasibətlərini təşviq edən mühüm qurumlardan biri tərkibinə Almaniyanın ictimai, siyasi, iqtisadi, mətbuat, mədəni və elmi həyatında tanınmış şəxslərin daxil olduğu Alman-Azərbaycan Forumudur (DAF). 2006-cı ildə Berlində yenidən təsis edilmiş DAF iki ölkə arasında ikitərəfli münasibətlərin təşviq edilməsi, siyasi, iqtisadi, mədəni əlaqələrin intensivləşməsi və elmi mübadilənin inkişaf etdirilməsi məqsədini daşıyır. DAF-ın idarə heyətinin sədri Alman Mərkəzi Sənətkarlar Birliyinin keçmiş baş katibi, tanınmış ictimai və iqtisadi xadim Hans-Eberhard Şlayerdir.

Azərbaycan Respublikasının AFR-dəki Fəxri Konsulluğu

Honorarkonsulat der Republik Aserbaidschan
Heilbronner Straße 154
70191 Stuttgart

Tel: +49 (0)711 263 7712 0

Fax: +49 (0)711 263 7712 9

info@honorarkonsulat-aserbaidschan.de

www.honorarkonsulat-aserbaidschan.de

Alman-Azərbaycan Forumu

Deutsch-Aserbaidschanisches Forum e.V.

Friedrichstr. 95, 10117 Berlin

Tel.: +49 (0)30 505 67 196
Fax: +49 (0)30 505 65 896

kontakt@da-forum.net

www.da-forum.net

Almaniyadakı Azərbaycanlıların Koordinasiya Mərkəzi

KAD e.V.
Friedrichstr. 95
10117 Berlin

Tel.: +49 (0)30 2088 9952
Fax: +49 (0)30 2091 1802
info@kad-online.org
info@kad-info.de

Bakı-Berlin Qalereyası

Galerie Berlin-Baku GmbH

Großgörschenstrasse 7, 10827 Berlin

Tel.: +49 (0)30 23 63 55 56

info@galeriebb.de

Avropa Azərbaycan Cəmiyyəti

The European Azerbaijan Society
Bellevuestr. 1
D-10785 Berlin
Germany

Tel.:  +49 (0)30 26 39 93 74
Fax: +49 (0)30 26 39 93 76

germany@teas.eu

(son yenilənmə 19.07.2016)