Vətəndaşlıq vəziyyəti aktlarının dövlət qeydiyyat kitablarında və ya Qeydiyyat şöbəsinin və konsulluq idarəsinin yaş kağızı kitablarında vətəndaşlıq vəziyyəti aktlarının qeydlərinə əsasən Almaniya Federativ Respublikasında daimi/müvəqqəti yaşayan Azərbaycan Republikası vətəndaşlarına onların ərizəsi əsasında arzusu nəzərə alınmaqla, vətəndaşlıq vəziyyəti aktlarının qeydiyyatı haqqında təkrar şəhadətnamə və ya arayış verilir.
Tələb olunan sənədlər
- Müvafiq təkrar şəhadətnamə üzrə Ərizə:
- Doğumun qeydə alınması haqqında təkrar şəhadətnamə üçün ərizə (buradan yüklənə bilər);
- Ölümün qeydə alınması haqqında təkrar şəhadətnamə üçün ərizə (buradan yüklənə bilər);
- Nikahın qeydə alınması haqqında təkrar şəhadətnamə üçün ərizə (buradan yüklənə bilər);
- Nikahın pozulmasının qeydə alınması haqqında təkrar şəhadətnamə üçün ərizə (buradan yüklənə bilər);
- Ərizə verən şəxsin şəxsiyyətini təsdiq edən etibarlı sənəd (şəxsiyyət vəsiqəsi və ya ümumvətəndaş pasportu);
- Ərizə verən şəxsin Almaniya Federativ Respublikasında daimi/müvəqqəti yaşadığını təsdiq edən sənəd(lər);
- Ölənlər barəsində təkrar şəhadətnamənin alınması üçün qohumluq münasibətlərini təsdiq edən sənədlər (doğum, nikah haqqında şəhadətnamələr).
İştirak etməli olan şəxslər
- Barəsində müvafiq vətəndaşlıq vəziyyəti aktının qeydi tərtib olunmuş şəxsin özü;
- Yetkinlik yaşına çatmayanlar barəsində onların valideynləri, övladlığa götürənlər, qəyyumları və ya qəyyumluq və himayə orqanları; tərbiyə, müalicə və əhalinin sosial müdafiəsi orqanları;
- Ölənlər barəsində - onların qanuni varisləri;
- Notariat qaydasında təsdiq olunmuş etibarnamə əsasında səlahiyyətli şəxslər.
Dövlət rüsumu
- dövlət rüsumunun Səfirliyin bank hesabına ödənilməsini təsdiq edən qəbz (COMMERZBANK, Konto No: 26 61 53 601, BLZ: 100 40 000; IBAN:DE73100400000266153601) (“Dövlət rüsumu haqqında” Azərbaycan Respublikasının 2001-ci il tarixli Qanununun 16.3.5.-ci maddəsinə əsasən, vətəndaşlıq vəziyyəti aktlarının qeydə alınması barədə təkrar şəhadətnamələrin verilməsinə görə 10 EUR (Avronun ABŞ dollarına məzənnəsi və Avronun ABŞ dollarına konvertasiya xərcləri nəzərə alınmaqla dövlət rüsumunun məbləği) məbləğində dövlət rüsumu müəyyən olunmuşdur);
- 3 AZN dövlət rüsumu aşağıda məlumatları qeyd olunan ünvana ödənilməli və qəbz digər sənədlərlə birlikdə Səfirliyin Konsulluq bölməsinə təqdim edilmədir;
B1. Benefisiar (alan bank)
Dövlət Xəzinədarlıq Agentliyi
Kod: 210005
VÖEN: 1602473621
Müxbir hesab: AZ85NABZ01360100000003003944
SWIFT BIK: CTREAZ22XXX
B2. Alan müştəri
Vergilər Nazirliyi yanında Bakı Vergilər Departamenti
Hesab nömrəsi: AZ17CTRE00000000000002117131
VÖEN: 1602473621
Büdcə təsnifat kodu: 142215
Büdcə səviyyə kodu: 7
Son yenilənmə tarixi: 01.07.2023