Almaniya Federativ Respublikasının səlahiyyətli qurumları tərəfindən verilmiş sənədlərin Səfirliyin konsulluq bölməsində leqallaşdırılması proseduru tam dayandırılıb. Belə ki, “Xarici rəsmi sənədlərin leqallaşdırılması tələbini ləğv edən Konvensiya” (Haaqa Apostil Konvensiyası) 16 mart 2026-cı il tarixində Azərbaycan və Almaniya arasında tam qüvvəyə minib. Bunun nəticəsində, sənədlərin qarşılıqlı əsasda tanınmasının apostil proseduru vaxitəsilə tətbiqinə başlanılıb.
Beləliklə, Almaniyada verilən rəsmi sənədlər yalnız Almaniyanın müvafiq dövlət qurumları tərəfindən apostil möhürü ilə təsdiq olunur və bu, həmin sənədlərin Azərbaycanda tanınması üçün kifayətdir. Bu sənədlərin əlavə olaraq Səfirlikdə leqallaşdırılmasına ehtiyac yoxdur. Həmçinin, Azərbaycanda verilmiş sənədlər də yalnız apostil möhürü ilə Almaniyada tanınır və Almaniyanın Bakıdakı səfirliyində əlavə leqallaşdırma tələb olunmur.
Almaniyada apostil verilməsi səlahiyyətinə malik olan dövlət qurumları barədə məlumatı Almaniya Xarici İşlər Nazirliyinin internet səhifəsindən əldə etmək olar: https://www.auswaertiges-amt.de/de/urkunden-2007718#content_0